Las API son d'aisinas que vos permeton d'integrar la resulta d'un programa tèrç dins vòstre còdi pròpri, sens aver forçadament accès a l'otís o a las ressorsas que vos permeton d'obténer aquela resulta. N'existisson mantuna ligadas a la lenga o la cultura occitana, que podètz utilizar per enriquesir vòstres desvolopaments.
Avèm ensajat de recensar aquí totas las API que son ligadas a l'occitan, mas se n'avèm doblidat, esitatz pas a nos o signalar amb lo boton de contacte en bas de pagina.
L'API Votz del Congrès, desvolopada en partenariat amb Elhuyar, vos permet d'interrogar la sintèsi vocala del meteis nom, fargada pel Congrès. Mandatz una cadena de caractère e obtenètz un fichièr audio amb lo tèxte legit.
L'API Vision prepausada dins los sevicis Cloud de Google permet d'OCRizar de tèxte en occitan.
Wikidata, la basa de coneissença liura de mai o mens 100 milions d'itèms, pòt èstre requestada amb SPARQL. I podètz cercar d'itèms - que mantun a un labèl en occitan - coma de personalitats, de luòcs, d'estructuras... a mai de lexèmas.
L'API fon'Òc del Congrès permet d'obtenir la transcripcion en alfabet fonetic d'un mot o d'un tèxte.
L'API Basic permet de recercar, a partir d'un mot en francés o en occitan, una entrada del Basic, lo diccionari del Congrès.
L'API vèrb'Òc du Congrès permet, per un infinitiu occitan, d'aver sa conjugason. Podètz precisar la persona, lo mòde, lo temps... Podètz tanben recercar l'infinitiu e las informacions d'una forma conjugada.
L'API sinonimes del Congrès permet d'aver los sinonimes d'un mot en occitan.
L'API rimas del Congrès permet d'aver los mots en occitan que riman amb un mot que balhatz.
L'API top'Òc del Congrès permet de traduire un toponime del francés a l'occitan e vice-versa e d'aver los noms occitan e francés d'una comuna a partir de son còdi o de sas coordenadas.
L'API letras del Congrès tira de letras a l'azard en respectant lor frequéncia dins la lenga.
L'API de la Wikipèdia vos permet de recuperar automaticament d'articles de l'enciclopèdia liura.
